«Айқын Нұрқатов атындағы Шұқыркөл орта мектебінің» 7-11 сыныпоқушылары
Новоишим қазақ орта тірек мектебі (РО) екінші сессиясы 07.02-18.02.2022
ж. аралығында 1 магниттік мектебімен өтілді. Атап айтсақ, сессияға «Айқын Нұрқатов атындағы Шұқыркөл орта мектебінің» 7-11 сыныптың 32 оқушысы қатысты.
Оқу-тәрбие үрдісі бойынша жоспарлар, ресурстық орталықтың жұмыс регламенті мен күн тәртібі бекітіліп, сабақ кестесі дайындалды. 7 ақпан күні 7-11 сынып оқушыларынан ресурстық орталықтың оқытуға көзқарастарын және ойларын, қандай пәндерге деген қызығушылықтарын анықтау мақсатында « Менің көзқарасым» атты сауалнаманы мектеп психологі Берденова Молдир Абдимуталиповна Google dock-те дайындап өткізді. Сауалнама 10 сұрақтан құралған.
Жауаптарды салыстыру барысында 60,6% оқушылардың ресурстық оқытуға көзқарастары оң екендігі байқалады. І сессия кезеңің сабақтары 68,8% оқушыларға қызықты болғаны , сессия барысында берген сабақтары оқушылардың 25% сабақ үлгерімі жоғарлауына, 37,5% тапсырмаларды жеңіл жолмен шешуге және 37,5% білім алудағы олқылықтарын жетілдіруге септігін тигізген. Ал оқушылардың 78,1% қоғамдық-гуманитарлық пәндерінің сабағы болғанын қажет деп санайды.
Сауалнама нәтижесін ескере отырып қысқы сессия кезеңінде жаратылыстану-математикалық және қоғамдық-гуманитарлық пәндер бағытары бойынша төмендегі пәндер оқытылды: биология, алгебра және анализ бастамалары, геометрия, география және физика,Қазақстан тарихы. Сонымен қатар сабақ беретін пән мұғалімдері анықталынып, сабақ кестесі құрылды. Барлық сабақтар ZOOM платформасы арқылы өткізілді.
Сессия барысында зум арқылы өткізілген сабақтарда мұғалімдер онлайн-тақта , топтық жұмыс түрлері онлайн бөлме арқылы бөліп, кезектесіп әр бөлменің жұмысын бағыттап оқушылардың пәнге деген қызығушылығы артты.
Сонымен қоса 14 ақпан 8-9 сынып оқушыларымен мектеп психологі М.Абдимуталлиповна «Сүйіспеншілік - өмір негізі» тақырыбында онлайн-сұхбат өткізді.
Жоспарға сәйкес 07.02.22 - 11.02.22 аралығында Өзін-өзі тану: «Махаббат пен шығармашылық педагогикасы» аясында өткен «Руханилықтың мөлдір бұлағы» атты тақырыпта ана, мейірім, бейбітшілік және достық туралы балалардың шығармашылық жұмыстарының фестиваліне А. Нұркатов атындағы Шұқыркөл орта мектебінің 7-11 сынып оқушылары ресурстық орталығының оқушылары белсенді қатысып, ашық хаттар, эссе жұмыстарын ұсынды
15 ақпан күні әлеуметтік ұстаз Арайгүл Нуртасовна 8-9 сынып оқушыларымен «Жақсылық жасай білейік» пікірталасын өткізді. Пікірталас барысында оқушылар суреттерде бейнеленген жағдаяттарды талдап, шешіп өз ойларын анық жеткізе білді.
17 ақпанында магнит мектебінің жұмысы шеңберінде Новоишим қазақ орта мектебінің АӘ және ТД оқытушы –ұйымдастырушысы Еслям Р.Е. АББ әдіскері О. В. Шамбердің қатысуымен ZOOM платформасында 7-9 сынып оқушыларымен әскери оқу орындарында білім алуды, әскерде қызмет етуді, патриотизм рухын көтеруді насихаттауға бағытталған кәсіби бағдар беру жұмысы өткізілді. Расул Ерланович өз сөзін оқушыларға өзінің болашақ өмірі мен мамандығын таңдауға саналы түрде қарау керектігін айтумен бастады. Сондай-ақ, интернационалист – жауынгерлердің ерліктеріне баса назар аударып, оқушыларға өз міндеттерін орындаған- өз Отанын қорғаған өте жас балалардың ар-намысы мен ерлігі туралы танымдық бейне көрсетті. Одан кейін балалар ҚР Қорғаныс министрлігі жанында жұмыс істейтін «Жас Ұлан» Республикалық мектебі туралы ақпаратты тыңдап, бейне-ролик көрді. Р.Е. Еслям оқуға түсу және оқу талаптары туралы, сондай-ақ осы мектептің оқушылары мен түлектерінің келешегі туралы егжей-тегжейлі айтып берді.
Жоспарланған барлық жұмыстар сессия барысында өткізілді. Шұқыркөл мектебінде қорытынды сессияның бір күндік жұмысын офлайн форматта ресурс мектебінің мұғалімдеріне жоспарлауға ұсынылды.
